2026 жылғы 8 қазанда Теміртау тарихи-өлкетану музейінде «Шығармашылық керуені» білім беру бағдарламаларының циклі шеңберінде «Теңдік аймағы» атты инклюзивті жоба жұмысын бастады.
Ерекше білім беру қажеттіліктері бар балаларға арналған жоба тарих, халықтық дәстүрлер мен шығармашылық жаңалықтар әлеміне қызықты саяхат болды. Бағдарлама танымдық ойындарды, практикалық сабақтарды және музей жәдігерлерімен танысуды қамтыды.
«Қазақстан халқының бірлігі» залында балалар қазақ халқының өзіндік мәдениетіне тоқталып, қазақтың дәстүрлі киіз үйімен және оның құрамдас бөліктерімен танысты. Көшпелі тұрғын үйдің маңызды элементі - киізден жасалған жабынға ерекше назар аударылды. Музей жәдігерлерін - қырық, сабау және тарақты пайдалана отырып, жас қатысушылар жүн өңдеуде өздерін сынап көрді, көне қолөнермен айналысып, ұрпақтар байланысын сезінді.
Ұлттық бұйымдармен - сырмақ пен текеметпен танысу ерекше қызығушылық тудырды, олардың өрнектерінде қазақ ою-өрнек өнерінің қыр сырын көрді. Дәстүрлі нақыштардан шабыт алған балалар оларды планшет экрандарына көшіріп, өз суреттерін жасап, ұлттық ою-өрнектің таңғажайып әлемін ашты.
«Теміртау қаласының тарихы» залына саяхат қызықты болды. Мұнда қатысушылар өткен жылдардағы тұрмыстық заттармен - рубель, көмір және қыздырмалы үтіктермен танысты. Ойын түрінде балалар үтіктеудің ескі әдісін игеруге тырысты, бұрын күнделікті үй шаруасы қандай еңбек пен шыдамдылықты талап еткенін білді.
Бағдарламаның жалғасында «Сәйкестік керуені» атты ойын болды, оның барысында балалар тарих пен тұрмысқа байланысты заттарды: қамшы, торсық, үзеңгі, бас сүйек және камераны тауып, салыстырды.
Теміртаудың құрылыс тарихымен танысу да нағыз шытырман оқиға болды. Өздерін қаланың алғашқы құрылысшылары ретінде сезініп, балалар болашақ индустриалды орталықтың негізі қаланған дәуірге оралғандай, қалалық нысандардың құрылысымен айналысты.
«Теңдік аймағы» - бұл әр бала өзін көрсете алатын, ашылу қуанышын сезінетін, шығармашылық қабілеттерін ашатын және мәдени өмірдің белсенді қатысушысы бола алатын кеңістік. Ойын арқылы, шығармашылық және тарихқа жанасу арқылы музей балаларға ұлттық мұраның құндылығын түсінуге, туған өлкенің тарихына өздерінің қатысы бар екенін сезінуге және білім мен жаңалық әлемінің баршаға ашық екеніне көз жеткізуге көмектесті.
