2025 жылдың 16 мамырында Халықаралық музей күнін мерекелеу аясында Теміртау тарихи-өлкетану музейінде алғаш рет «Музей түні» өтті
Акция барысында музей әдеттегі жұмыс уақытынан кейін келушілерге есігін айқара ашты, қонақтарды таңғажайып шытырман оқиғалар күтіп тұрды. 3 сағат бойы олар таңғажайып атмосферада болып, өздері үшін көптеген жаңалық ашты. Әр залда кәсіптік шеберханалар ашылды, бұл шеберханаларда қолөнердің алғашқы дағдыларын алды және наубайшы, ағаш ұстасы, суретші, медбике, слесарь кәсіптерінің құпияларын білді. Сондай-ақ, көрікшінің арнайы киімін киіп көрді, кәсіптік бағдар аллеясында тимбилдингтен өтіп, мобилограф рөлін сомдады.
