2026 жылғы 7 сәуірден бастап, Ғарышкерлер күніне орай және алғашқы қазақ ғарышкері Т. Әубәкіровтің туғанына 80 жыл, ғарышқа алғашқы ұшуына 35 жыл толуына байланысты Теміртау қалалық тарихи-өлкетану музейінде «Ғарышқа сапар» атты коуч-тренинг басталды.
Зияткерлік тренинг барысында жас ғарышкерлер:
- ғарышты алғаш игерген тұлғалармен, алғашқы қазақ ғарышкері Т. Әубәкіровтің өмір жолымен танысты, ғарыш құпияларын ашты;
- гидропоника әдісімен бидай мен бұршақ өсіру бойынша биологиялық тәжірибе жүргізіп, ғарыштағы салмақсыздық жағдайына жақын тағамдардың дәмін татып көрді;
- центрифуга, термокамера, сурдокамера, Хилов әткеншегі ұғымдарының мәнін түсінді;
- экскурсанттар арнайы үлгідегі скафандр мен сынақшы-ұшқыштың шлемін киіп, «Барани креслосының» баламасында өздерін сынап көрді;
- өздерінің ғарыштық мекенжайын анықтап, Теміртаудың жұлдызды аспанын құрастырды;
- сондай-ақ «Спутник-1», зымырантасығыштары «Восток» және «Шаттл» үлгілерін қайта құрастырды.
