2025 жылдың 24 сәуірінде Теміртау тарихи-өлкетану музейі Ұлы Отан соғысындағы Жеңістің 80 жылдығына орай «Соғыстың әйел келбеті» атты көшпелі білім беру бағдарламалар циклынан «Ер есімі – ел есінде» арнайы жобаны іске асырды.

Бағдарламаны өткізу үшін Ә.Молдағұлова, М. Мәметова, Х. Доспанова, Х.Маманова, Н. Бәйсейітова, Т.Карзанова және тағы басқаларының өмірін баяндайтын қор жәдігерлері, архивтік құжаттар мен бейнематериалдардан құралған шағын экспозиция жасалды.

 Бағдарламаның бір бөлігінде – «қара жәшікте не бар» форматында тарихи зерттеулер жүргізілді: І және ІІ дәрежелі Отан соғысы ордені, танкистің шлемі, парашют, дала телефоны, мылтық патроны, сапер күрегі, әскери жылдардағы каска сияқты музей жәдігерлері арқылы Ұлы Отан соғысы жылдары батылдық пен ерлік танытқан қыздардың тағдыры баяндалды.