2025 жылғы 1 мамырда Отан қорғаушылар күні қарсаңында Теміртау қалалық тарихи-өлкетану музейі "Спасск" әскери жаттығу  полигонында, Amanat партиясының жастар қанаты ұйымдастырған, Qaisar-2025 әскери-патриоттық ойындарының қатысушылары үшін «Ерліктің бастауы» экспозициясын ұсынды.

Бірнеше бөлімнен құралған көрмеге Қарағанды облысы мен қарағандылықтардың Жеңіске қосқан үлесі туралы баяндайтын ҰОС кезіндегі құжаттар, фотосуреттер мен заттар  кірді. Экспозиция бөлімі Тәуелсіз Қазақстанның Қарулы Күштеріне арналды.

Көрменің эмоционалды бөлігі - ардагерлердің суретінен құралған, “Рейхстаг үстіндегі ту” тарихи суретті бейнелейтін "Жылдардан кейінгі көзқарас" инсталляциясы болды.

"Ерліктің бастауы" экспозициясы әскери-патриоттық ойындарға қатысушылардың, Қарағанды облысының әскери бөлімдері басшыларының жоғары бағасына ие болды.