2025 жылғы 29 мамырда Теміртау музейінде Саяси қуғын-сүргін және ашаршылық құрбандарын еске алу күніне орай «Атылғандар тізімі. 1937-1938 жылдар» атты инсталляцияның пресс-көрсетілімі өтті.

Инсталляцияда қалалық және облыстық мұрағаттардан, сондай-ақ Қарағанды облысы бойынша ҰҚКД мұрағатынан табылған құжаттардың көшірмелері ұсынылады. Бұл тірі адамды «Атылғандар тізіміндегі» бір жолаққа айналдырған - жауап алу хаттамалары, «ерекше үштік» қаулылары, үкімдерді орындау туралы үзінді көшірмелер, жеке істер.

Инсталляцияда тарихпен, ар-ұжданмен, болашақ ұрпақпен үнсіз сұхбатқа шақыратын музей жәдігерлері қолданылды.