2025 жылғы 21 тамызда "Ай жәдігері" жобасы аясында экспозицияның ашылуы өтті.  Экспозицияда өткен заманғы мектеп оқушыларының күнделікті қолданған - қауырсын қаламсаптары мен “төгілмейтін”  сиясауты ұсынылды.

Сиясауытты кесілген конус түріндегі ортаңғы бөлігіне байланысты "төгілмейтін" деп атаған. Біз оны іс жүзінде тексеріп көрдік, сия шынымен де төгілмейді.

Сиямен жазу үшін қауырсын қаламдары қажет болды. Болат қауырсынды қаламсаптар XIX ғасырда жаппай айналымға еніп, қаздың қауырсындарын тез ығыстырып тастады. Теміртау музейінің қорында "КЗФ Ц2К" маркалы қаламсаптар сақталған. Бұл мектептік батырмалы қаламсаптар КСРО кеңсе фабрикасында шығарылған және жоғарғы сапаны білдіретін -орақ пен балғамен белгіленген. 60 - жылдардың аяғында шарикті қаламдардың пайда болуымен олар іс жүзінде қолданыстан шықты.

Бүгінде олар тек естелік болып қалды, ал кейбіреуі коллекцияға айналды.