2026 жылғы 18 ақпанда «Ай жәдігері» жобасы аясында экспозиция ашылды. Экспозицияның басты кейіпкері, қаламыздың тұрғыны Цибенко Павел Николаевич музей қорына сыйға тартқан, «Кварц-2×8С-1М» кинокамерасы болды.
«Кварц-2×8С-1М» кинокамерасы — 1968-1977-ші жылдары Красногорск механикалық зауыты (КМЗ) шығарған кеңестік серіппелі әуесқой кинокамера. Камера ені 16 мм кинопленкаға түсіруге арналған, ол шығарылғаннан кейін ұзындығы бойынша 2×8 мм екі таспаға кесілген.
Камера Quarz-DS8-M деген атаумен экспортқа шығарылды және дизайнның қарапайымдылығы мен жоғары сапалы «Юпитер-24-1» объективінің арқасында шетелде, әсіресе Ұлыбританияда сұранысқа ие болды.
1970 жылдардағы камераның құны шамамен 180-220 рубльді құрады, бұл инженердің немесе мұғалімнің орташа айлық жалақысына сәйкес келді.
«Кварц» сериясындағы кинокамералар кеңестік әуесқой кинотехникаға тән құбылысқа айналды. Өз уақытында мұндай камера техникалық жоғары деңгейдің көрсеткіші болды, қазіргі ең жақсы iPhone сияқты, дегенмен, камера қолданыста механика мен химиядан хабардар болуды талап етті. Бұл камералар фильмдерді түсіру үшін қолданылмады, олардың мақсаты отбасылық мереке, күнделікті өмірді және әуесқой эксперименттерді түсіру болды.
