2026 жылғы 11 қыркүйекте Теміртау тарихи-өлкетану музейінде қала тұрғындарының отбасылық тарихына арналған «Отбасылық құндылық» экспозициясының ашылуы өтті. Іс-шара Қазақстан Республикасындағы Отбасы күніне орай ұйымдастырылды.

Іс-шараның мақсаты – отбасы тарихын қоғамның тарихи жадының маңызды құрамдас бөлігі ретінде таныстыру, сондай-ақ келушілерді Теміртау қаласындағы бірнеше ұрпақтан тұратын отбасылардың тағдырларымен, кәсіби жолымен, еңбек жетістіктерімен, отбасылық дәстүрлері мен құндылықтарымен таныстыру.

Экспозицияда Салимгереевтер, Булкенбаевтар, Турежановтар және Мұса отбасыларының тарихы ұсынылған. Әрбір отбасының тарихы бірнеше ұрпақтың өмірлік кезеңін көрсететін өмірбаяндық материалдар, фотосуреттер, құжаттар, марапаттар, жеке заттары және басқа да жәдігерлер арқылы ашылады.

Экспозицияда отбасы мүшелерінің кәсіби жолына ерекше назар аударылған. Білім алу, мамандық таңдау, еңбек қызметі және кәсіби жетістіктері арқылы қаланың дамуына қосқан үлестері көрсетілген.

Экспозиция аясында ұрпақтар сабақтастығына ерекше мән беріледі. Ұсынылған отбасылардың үлгісінде отбасылық құндылықтардың қалай қалыптасатыны, білім мен өмірлік тәжірибенің қалай берілетіні, дәстүрлердің қалай сақталатыны және ата мен бала, немере арасындағы байланыстың қалай нығаятыны көрсетілген.

Іс-шара барысында келушілер ұсынылған отбасылық тарихтармен танысып, әртүрлі ұрпақ өкілдерінің кәсіби жетістіктері мен отбасылық дәстүрлердің маңызы туралы білді. Экспозиция Теміртау тарихын нақты адамдар мен отбасы тағдыры арқылы көрсетуге мүмкіндік берді.

Экспозицияның ашылуына отбасы мүшелері, мектептер мен колледждердің оқушылары қатысты. Экспозиция “Отбасылық құндылық”