2026 жылғы 22 қаңтарда Теміртау қалалық тарихи-өлкетану музейінде алғашқы құрылысшы, Теміртау қаласының Құрметті азаматы Үкен Тұрмағамбетовтың туғанына 125 жыл толуына арналған «Тас қалаушы туралы поэма» атты еске алу-кездесуі өтті.

Іс-шара барысында музей жәдігерлері мен деректі хроника негізінде Ү.Тұрмағамбетовтың өмірбаяны және оның қаламыздағы өнеркәсіптік және әлеуметтік нысандардың құрылысына қосқан үлесі туралы айтылды.

Кездесуге № 27 орта мектептің оқушылары қатысты. Оқушылар қазіргі қоғамдағы ерлік ұғымын және туған қаланың тарихын сақтаудағы жеке жауапкершіліктің маңыздылығын талқылады.

Іс-шара танымдық, тәрбиелік сипатта өтті және туған өлкенің тарихына деген қызығушылықтың қалыптасуына ықпал еткені сөзсіз.