2026 жылғы 25 ақпан сағат 14:00-де Теміртау қалалық тарихи-өлкетану музейінде Әлихан Бөкейханның 160 жылдығына арналған академиялық пікірталас форматында «Азаттық таңын аңсаған алаш арысы» тақырыбында іс-шара өтті.
Пікірсайысқа төрт команда қатысты, олардың әрқайсысы екі спикерден құралды: Үкіметтің екі командасы (бекітуші тарап) және оппозицияның екі командасы (теріске шығарушы тарап).
Позициялар мен сөз сөйлеу кезегі төрешілер алқасының шешімі бойынша жүзеге асырылды. Төрешілер: ҚарИУ оқытушысы, «Энергетика және көлік жүйесі» кафедрасының декан орынбасары Тілеубаев Әбіл-Сайд Мағауин, Жекеев Жандос – «Сарыарқа дарыны» пікірсайыс клубының мүшесі, Қарағанды экономикалық университетінің 4 курс студенті.
Пікірталасқа Теміртау қаласының жалпы білім беретін мектептерінің 8-11 сынып оқушылары қатысты. Бұл пікірталаста «Қыздар гимназиясы» КММ оқушылары І орынды жеңіп алды.
